ප්‍රාදේශීය ලේකම් කාර්යාලය - කරවෙට්ටි

வரையறுக்கப்பட்ட கரணவாய் கிராம சக்தி மக்கள் சங்கத்தின் PRA, PNA தயாரிக்கும் மாபெரும் மக்கள் பங்கேற்பு கூட்டம் 04/06/2019 செவ்வாய்க்கிழமை பிப 1.30 மணிக்கு கரணவாய் கிராம அலுவலர் அலுவலகத்தில் நடைபெற்றது.இந்தக் கூட்டத்தில் கரவெட்டி பிரதேச செயலர் திரு.ஈ.தயாரூபன்,பிரதித் திட்டப் பணிப்பாளர் திருமதி.ர.ரகுநாதன், திட்ட இணைப்பாளர் திரு.ஏ.எம். ராஜ்குமார், நிர்வாக கிராம அலுவலர் திரு.கி.ரவிக்குமார், யாழ்ப்பாணம், கிளிநொச்சி மாவட்ட கிராம சக்தி இணைப்பாளர் கெளரவ பாராளுமன்ற உறுப்பினர் திரு.அங்கஜன் இராமநாதன் அவர்களின் பிரதிநிதிகளான கெளரவ பிரதேச சபை உறுப்பினர் திரு க.வைத்தியநாதன் மற்றும் திரு.எஸ்.தமிழினியன், கரணவாய் வட்டார தலைவர் திரு.க.இரத்தினம், கிராம அபிவிருத்தி உத்தியோகத்தர் திரு.சி.சாந்திகுமார், கிராம அலுவலர் திரு.பா.வைகுந்தன், கரணவாய் அபிவிருத்தி உத்தியோகத்தர் திருமதி ம.புஸ்பலோஜினி, சமுர்த்தி உத்தியோகத்தர் திருமதி.பு. சிவதர்சினி, பொதுச் சுகாதார பரிசோதகர் திரு.ப.சதீஸ்குமார் ஆகியோர் கலந்து சிறப்பித்தனர். மேலும் கால்நடை வைத்திய அதிகாரி, பிரதேச சபை உத்தியோகத்தர்கள், அயல் கிராம அலுவலர் பிரிவை சேர்ந்த பொருளாதார அபிவிருத்தி உத்தியோகத்தர்கள் மற்றும் கரணவாய் பிரிவை சேர்ந்த150 ற்கும் அதிகமான பொது மக்கள் என பலரும் கலந்து கொண்டனர்.கலந்து கொண்ட பொது மக்கள் ஏழு குழுக்களாக பிரிந்து கிராமத்தின் வரைபடம், வரலாறு, கிராமத்தின் குறுக்கே நடத்தல், தேவைப் பகுப்பாய்வு, பருவகால நாட்காட்டி, மக்களின் செல்வ விபரம், மக்கள் சேவை பெறும் நிறுவனங்கள் போன்ற விடயங்களை ஆர்வத்துடன் தயாரித்தனர். கூட்டத்தில் மேலும் உட்கட்டமைப்பு நிதியில் முதற்கட்டமாக இரண்டு விவசாயக் கிணறுகளை திருத்துவதனூடாக விவசாயிகளின் வாழ்வாதாரத்தை அதிகரிக்க முடியும் என்றும் ஆற்றல் விருத்தி நிதியில் களான் வளர்ப்பு, திரவச் சவர்க்காரம் தயாரிப்பு, மெழுகுவர்த்தி தயாரிப்பு,கணணிப் பயிற்சி போன்ற பயிற்சிகளை பெற்றுக் கொள்வது என்றும் தீர்மானங்கள் மேற்கொள்ளப்பட்டு அனைவராலும் ஏற்றுக்கொள்ளப்பட்டது.